O Celta cambia de traxe

Novo equipamento

O Celta presentou a través da súa páxina web oficial os novos equipamentos para a tempada 2103/14, a primeira na que entra en vigor o acordo coa marca Adidas despois de extinguirse o acordo con Li Ning, o provedor do equipo no tres cursos anteriores. Confeccionadas por Adidas, a camiseta do primeiro equipamento é celeste cos remates en cor negra e, como a segunda, inclúe nunha das mangas o logo do 90 aniversario do Real Club Celta. A camiseta do segundo equipamento é de cor negra, coa parte superior en celeste. En ambas as mantense o triskel, que luciràn na parte posterior baixo o pescozo. O pantalón do segundo equipamento é tamén de cor negra, cos remates en cor celeste.A nivel tecnolóxico, ambos os equipamentos cumpren cos maximos estandars de calidade de adidas. Tanto o primeiro equipamento como o segundo equipamento incorporan tecnoloxía climacool, que axuda a expulsar a calor e a suor do corpo grazas á súa composición de fibra e á combinación de diferentes tipos de tecido de malla abertos, situados estratexicamente para permitir que o aire circule a través do tecido e seque a suor. Facilitando desta maneira o mellor rendemento dos xogadores das distintas categorías do club.As camisetas adidas do Real Club Celta para a próxima tempada se pondràn á venda entre finais do presente mes e principios do próximo, unha vez que conclúan as obras de mellora e renovación da tenda oficial situada nos baixos do Estadio de Balaidos, que adecuará a súa imaxe á da firma adidas, cuxos produtos, unha ampla gama, estarán dispoñibles no establecemento celeste.