Luís Enrique novo adestrador do Celta

Luis Enrique al Celta

O Celta volveu dar onte un xiro inesperado ao prescindir dos servizos de Abel Resino, só tres días despois de confirmar a súa continuidade no banco celeste, e anunciar a contratación para as dúas próximas tempadas de Luís Enrique .Luís Enrique Martínez García (Xixón, 8 de maio de 1970) o novo adestrador do Celta para o proxecto de Primeira división na tempada 2013/2014. O exfutbolista asturiano foi confirmado oficialmente como substituto de Abel Resino, sorprendentemente despedido unhas horas antes. A duración do contrato do novo técnico celeste é de dúas tempadas. No seu comunicado, o Celta sinala que Luís Enrique chega a Vigo «avalado por un xogo alegre e ofensivo, unha aposta firme e inequívoca pola canteira e a gran competitividade que inculcou nos equipos que dirixiu», unhas premisas que entroncan coas de Paco Herrera e son opostas no seu maior parte ás de Abel Resino. «Moi ilusionado co reto en Vigo. Mándovos un saúdo a todos os celtiñas e espero devolver con alegrías a vosa confianza. Ala Celta!», escribiu horas despois Luís Enrique na súa conta de twitter para saudar á súa nova afección.O Celta xa tentou contratar a Luís Enrique cando despediu a Paco Herrera, pero entón non puido convencerlle e o club vigués optou por Abel Resino, quen a pesar de lograr a permanencia non convenceu á dirección deportiva do equipo vigués. Como futbolista, Luís Enrique foi internacional coa selección española tras xogar no Sporting de Xixón, Real Madrid e Barcelona.
O presidente céltico mostra predilección polos exazulgranas. Stoichkov foi a súa primeira fichaxe, tras destituír a Fernando Vázquez. E ao búlgaro seguiulle tempo despois Eusebio Sancristán, quen tras ano e medio en Vigo regresou a Barcelona para substituír a Luís Enrique no filial azulgrana.Como xogador, ''Lucho' militou nas filas de Sporting de Xixón, Real Madrid e Barça.
O anuncio oficial de Luís Enrique como novo adestrador do Celta para as próximas dúas tempadas en substitución de Abel Resino pode favorecer aínda máis a chegada de Rafinha a Balaídos como cedido. Como xa confirmou Mazinho, o seu pai e representante, xogará a préstamo noutro club a próxima campaña a pesar de que o seu contrato estipula que subirá ao primeiro equipo do FC Barcelona. Unha vez confirmada a permanencia do Celta en Primeira División, a posibilidade de recalar en Vigo gañou enteiros para Rafinha, que sempre se sentiu un seareiro do club no que militou o seu pai entre 1996 e 1999. O mediapunta, de 20 anos, viviu gran parte da súa infancia na cidade galega ata que se mudou a Barcelona aos 13 anos. A súa nai e a súa irmá seguen residindo en Vigo.A chegada de Luís Enrique reforza o desexo de Rafinha de xogar coa camiseta celeste. O asturiano foi o adestrador que lle fixo debutar en Segunda A en a tempada 2010-11 cando aínda tiña 17 anos. Rafinha chegou a disputar nove encontros co Barça B e meteu un golazo en Salamanca no seu segundo encontro en xaneiro de 2011. 'Lucho' marchouse ao Roma pero o hispano-brasileiro progresou ás ordes de Eusebio Sancristán durante dúas campañas.