/fdata%2F4011180%2Favatar-blog-1179092734-tmpphp0KJozr.jpeg){kind=avatar}
/image%2F1220393%2F20140922%2Fob_5a1b36_monte-alba.jpg)
Doce costa de xaneiro para o Celta
O Celta acaba de pechar un mes de xaneiro espléndido, cun balance de seis vitorias, un empate e unha derrota. Estes positivos resultados permitíronlle alcanzar a undécima semifinal da Copa do Rei da súa historia e reducir a catro a diferenza de puntos coas prazas europeas en LaLiga.O equipo de Berizzo comportouse no arranque de 2017 como un fino escalador ciclista ante unha costa de xaneiro na que tivo que superar "portos fóra de categoría" como o que representa o vigente campión de Europa e do Mundo, o Real Madrid. Ademais, o conxunto celeste impúxose a rivais como o Valencia, o Málaga, o Alavés e o Leganés.
E no medio deses éxitos deportivos, o Celta ha ter que afrontar un grave problema disciplinario no vestuario co futbolista chileno Fabián Orellana -declarado transferible polo club tras ser apartado do equipo polo adestrador-, ademais de producirse tres movementos no persoal: a marcha de José Naranjo ao Genk belga e de Costas ao Oviedo, e a chegada a Vigo de Jozabed.
Ao excelente balance de resultados dos célticos engádense os bos números que alcanzaron nas dúas áreas: sumaron 16 goles a favor e os 7 en contra nos oito compromisos. Iso supón alcanzar os dous goles marcados de media por partido, mentres que encaixou menos dun por actuación. Extráese deses datos, ademais, a boa nova de que o equipo non encaixou goles en dous duelos, ante o Alavés e o Leganés, unha circunstancia que agradecen moito os técnicos.
Lonxe queda o día que o Celta foi considerado como mellor equipo do mundo do mes de febreiro de 2001. O actual momento dos de Berizzo é moi similar. O agora técnico exercía entón como defensa central do conxunto vigués
Tres lustros despois, célticos e alavesistas coincidirán na semifinal da Copa, que arrinca o vindeiro xoves en Balaídos (21 horas) e culmina o mércores seguinte en Mendizorroza.
A última referencia entre ambos clubs é o duelo de Liga que se disputou en Vigo o pasado 15 de xaneiro, da decimoctava xornada de LaLiga. Gañaron os célticos cun tanto de Radoja no minuto 88.
Significou o cuarto triunfo consecutivo dos célticos en 2017, que comezou para os de Berizzo en Valencia. O 3 de xaneiro, o Celta goleaba ao equipo levantino (1-4) no partido de ida dos oitavos de final da Copa. A volta en Vigo tamén se decantaría a favor dos celestes (2-1), que entre medias gañaron en Liga ao Málaga (3-1).
Entón, os de Berizzo tiveron que facer fronte ao Real Madrid en cuartos de final do torneo do KO. Deron a gran sorpresa os celestes no Bernabéu (1-2) e sentenciaron unha semana despois en Vigo (2-2).
As rotaciones non funcionaron en Anoeta, onde o Celta caeu pola mínima (1-0) en Liga. O plan de xogar coa segunda formación deu os seus froitos o sábado en Leganés (0-2), onde o conxunto galego pechou un xaneiro espléndido. Á Copa e á Liga engadirá de novo en febreiro a Europa League.
Iago Aspas.7 
Nolito 3 
Brais Méndez 3 .
Fran Beltrán 2 
Santi Mina 1 
Sergio Carreira 1.
Iker Losada.
Lucas Olaza 
Denis Suàrez.
Murillo.
Néstor Araújo .
Rafinha.4
Pione Sisto 4
Fedor Smolov 2
Toro Fernández.1
Nolito 1.
FC Barcelona.Lionel Messi 25
R.Madrid.Karim Benzema 21
Villarreal.Gerard 18
FC Barcelona.Luis Suárez 16
Athletic Club .Raul Garcia 15
Valencia.Maxi Gómez 10