Incendio en Frigoríficos Berbés
Incendio en Frigoríficos Berbés
Os bombeiros conclúen os labores de extinción do incendio do Berbés. O lume, declarado ás 10:30 horas desta mañá, causou retencións de tráfico e obrigou a desaloxar varias empresas da zona. Ningunha persoa resultou ferida.Os Bombeiros de Vigo concluíron sobre as 18.00 horas desta tarde o seu traballo na nave de Frigoríficos do Berbés da rúa Jacinto Benavente que sufriu un incendio na mañá deste luns, segundo informa nun comunicado a Concellaría de Seguridade. O lume orixinouse pasadas as 10.00 horas e sobre as 13.00 horas deuse por controlado. Nos labores de extinción os bombeiros empregaron equipos autónomos de respiración como medida de precaución. Inicialmente críase que as cisternas situadas na nave contiñan amoníaco, aínda que posteriormente constatouse que non.Onde si se localizaron "pequenas cantidades" desta sustancia foi nas máquinas de envasado, aínda que "en ningún caso supuxeron perigo algún", segundo precisa a Concellaría de Seguridade. A Policía Local indica que a nave estaba practicamente en desuso, que unicamente funcionaban as oficinas e que no momento do incendio o cal xerou unha gran columna de fume permanecían nas instalacións unhas 8 persoas, quen foron desaloxadas sen que se producisen danos persoais.
Incendio Beiramar Vigo-10:35 el 26-9-11
Comentar este post