Aspas rescata a Mohamed

Aspas salva a Mohamed

Logo de seis partidos sen coñecer o triunfo, o Celta de Vigo regresou por fin á senda da vitoria cunha gran goleada fronte ao Éibar (4-0). Si hai un protagonista indiscutible destes tres anhelados puntos para o celtismo, ese é o 'mago' de Moaña: Iago Aspas Juncal. Ao dianteiro celeste non lle afectou nin a noite no hospital que pasou xusto antes do duelo polo nacemento da súa filla Mia.
O fútbol é dos xogadores. A frase de manual é máis realidade que tópico, por iso o día do xuízo final de Antonio Mohamed o protagonista foi Iago Aspas, que asinou un hat trick logo de pasarse toda a noite no hospital ao ser pai por segunda vez. O moañés ocupaba a posición de nove de referencia por primeira vez en toda a tempada e como cada vez que o fai nos dous últimos anos, asinou un triplete. Brais Méndez, outro home da factoría da Madroa redondeou a conta co cuarto gol. Un festival de goles, con lagoas no xogo no primeiro tempo, que de momento parecen darlle unha marxe de confianza ao técnico arxentino que estaba contra as cordas.
CELTA: Sergio, Hugo Mallo, Roncaglia, Cabral, Juncà, Beltrán, Lobotka, Brais Méndez, Emre Mor (Okay, min.74), Iago Aspas (Dennis, min.85), Boufal (Sisto, min.81).
EIBAR: Riesgo, Bigas (Cucurella, min.68), Cote (Sergio A., min.68), Peña, Arbilla, Diop, De Blasis, Orellana, Jordán, Sergi Enrich (Charles, min.57), Kike.
Goles: Iago Aspas (1-0, min.5), Iago Aspas (2-0, min.36), Brais Méndez (3-0, min.56), Iago Aspas (4-0, min.82).
Árbitro: González González, do comité madrileño. Sen amonestados.

Galeria de fotos