O Celta pecha pretemporada sen vitorias

Manolo Hugo Mallo

O Celta acaba o verán sen coñecer a vitoria

O Celta caeu derrotado ante o Mainz no Trofeo Memorial Quinocho. Comezou adiantándose cun gol de Dennis Eckert, pero o equipo alemán remontaría con dous goles, e aguantaría ata o final o tímido empuxe do equipo celeste.
Moi pronto chegaría o primeiro do Celta tras unha gran acción combinativa de Brais Méndez, Aspas e Dennis Eckert rematada polo alemán a gol.
Xogou mellor o Celta na primeira metade, ante un Mainz bastante tímido, que empezou a ser mellor a partir da media hora. No minuto 41 chegaría o gol do empate, cando Araujo cometeu penalti sobre Brosinski, que lanzaría a pena máxima con éxito.
Tralo descanso saíu mellor o equipo alemán, moi superior ao Celta nese tramo do encontro. Froito deste dominio chegaría o 1-2, obra de De Biasis, que rematou dentro do área. Mohamed comezou a mover o banquiño dando entrada a Emre Mor, Boufal e Jozabed por Brais, Sisto e Beltrán. Máis tarde tamén entraría David Costas por Cabral.
O partido aínda tería reservada unha mala noticia nas postrimerías coa lesión de David Juncà, que se perderá o comezo liguero.
CELTA: Sergio, Hugo Mallo, Cabral, Araujo, Juncà, Lobotka, Beltrán, Brais Méndez, Iago Aspas, Sisto, Dennis. También jugaron: Emre Mor, Boufal, Jozabed, Costas, Beauvue, Mazán, Hjulsager.
MAINZ: Müller, Aarón, Mateta, Maxim, Kunde, Bell, Brosinski, Niakhaté, Onisiwo, Gbamin, De Blasis.
Goles: Dennis (1-0, min.15); Brosinski (1-1, min.41, de penalti); De Blasis (1-2, min.54).
O internacional marroquí.Sofiane Boufal deixou boas sensacións no seu debut.
Boufal actuou primeiro como extremo esquerdo, e trala saída do campo de Iago Aspas pasou a exercer como enganche. Son dúas posicións nas que se atopa cómodo, especialmente como mediapunta, onde destacou no Lille. En Inglaterra xogou máis en banda, e o seu rendemento non foi o mesmo que o que ofreceu en Francia.
En todo caso vimos a un futbolista descarado, con desborde, que sabe o que ten que facer co balón nos pés, e ao que resultan complicado arrebatarlle o esférico. Vímolo especialmente nunha acción na que se foi de varios rivais, e aínda que ao final a xogada non tivo transcendencia, arrincou os aplausos da grada. Boufal promete, e será Mohamed o que terá que atopar a mellor posición para sacar un bo rendemento ás súas virtudes.