O Celta dá a badalada no Nou Camp

►As paradas de Sergio e os paus -até un total de catro fixeron os azulgranas- deixaron ao Barcelona sen liderado e deron a primeira vitoria do Celta (0-1) no Camp Nou na historia da liga.
O gato de catoira Sergio e o arxentino Larrivey conducen ao Celta a unha vitoria histórica ante o Barcelona.O Real Club Celta de Vigo conseguiu ante o Barcelona unha importante vitoria que demostra que o bo fútbol despregado até o momento non é froito da casualidade.Con nada que perder e todo que gañar, os celestes plantáronse no Camp Nou con ganas de asestar outro golpe a un conxunto azulgrana, que tras o tropezo do clásico non termina de atopar un estilo de xogo.Setenta e tres anos tiveron que pasar para que o Celtismo vise unha vitoria do seu equipo en liga no Camp Nou. Desde aqueles dous goles de Roig en 1941, até o tanto de Larrivey que esta noite deu o triunfo ao Celta.Unha vitoria traballada, pelexada e loita até a extenuación por un equipo que segue sen coñecer a derrota lonxe de Balaídos, e que marca en todos os partidos. Unha vitoria sufrida, xa que o Barcelona, que vai sobrado de calidade, tivo ocasións, evitadas polos paus ou por un Sergio unha vez máis portentoso.Con empate chegouse ao descanso, e coa sensación de que o Celta, a pesar da calidade do seu rival, estivera bastante cómodo na primeira metade. Na continuación saíu o Barcelona con moita forza e Neymar desperdiciou unha ocasión clarísima ao minuto da segunda metade, enviando o balón ao traveseiro con Sergio batido. Outra vez o Celta tivo que sacarse de encima o dominio, asustando aos locais con perigosas contras, xeralmente levadas por Nolito ou Orellana.Ao nove minutos chegou o golazo que daba a vitoria ao Celta.Saque longo de Sergio, Pablo Hernández prolonga e o balón cae aos pés de Nolito que ve o desmarque de Larrivey asistíndoo cun bellísimo taconazo que non desaproveita Larrivey executando a Claudio Bravo.O Celtiña fixera o máis difícil: Porse por diante no marcador. Tocaba esperar que a ansiedade e a frustración aparecese no bando azulgrana.Berizzo tiña claro que a mellor maneira para gañar era anotar o segundo tanto, así que non descompuxo demasiado o equipo. Retirou a Larrivey e deu entrada a Charles, e o brasileiro tivo dúas grandes ocasións para sentenciar o partido. A primeira foi unha preciosa xogada de elaboración céltica, que acabou cun gran centro de Orellana que Nolito remata de primeiras co interior e Charles chega moi forzado ao despexe de Bravo.O brasileiro tivo outra tras unha excelente manobra dentro da área, levándose o balón ante Mathieu cun chapeu e rematando a portaría. Bravo desperdiciou a ocasión.E de aí até o final houbo sufrimento pola estreiteza do resultado, e pola calidade dos futbolistas azulgranas, que se vían incapaces de superar a barreira defensiva do Celta. Os de Berizzo aguantaron e levaron un premio marabilloso. Nova vitoria céltica, que xa suma 19 puntos en 10 xornadas, coa permanencia moi encarrilada e soñando con cotas maiores. Agora toca preparar o partido do próximo sábado ante a Granada, un partido no que o Celta debe consolidar o seu excelente inicio de tempada.
FC Barcelona: Bravo; Dani Alves, Mascherano, Mathieu, Alba; Sergio Busquets (Xavi, 64´), Rakitic, Rafinha; Luis Suárez, Neymar y Messi.
Celta: Sergio; Hugo Mallo, Cabral, Sergi Gómez, Jony; Radoja, Krohn-Dehli, Pablo Hernández (Borja Fernández, 68´); Orellana, Nolito (Madinda, 87´) y Larrivey (Charles, 74´).
Gol: 0-1: Larrivey (54´).
Incidencias: Partido de la décima jornada de la Liga BBVA disputado en el Camp Nou ante 71.468 espectadores. Antes do encontro, gardouse un minuto de silencio en memoria de Gustavo Biosca, defensa do mítico Barcelona das 'Cinco Copas' falecido a pasada madrugada aos 86 anos.

Galeria de fotos Barça-Celta 0-1

FC Barcelona 0 - Celta de Vigo 1, Fútbol - RTVE.es A la Carta

FC Barcelona 0 - Celta de Vigo 1, Fútbol online, completo y gratis en RTVE.es A la Carta. Todos los programas de Fútbol online en RTVE.es A la Carta

http://www.rtve.es/alacarta/videos/futbol/fc-barcelona-0-celta-vigo-1/2843715/