Outro resbalón en casa

OCelta comerase o turrón con tan só un punto máis na súa marcadora, e coas dúbidas axexando o seu xogo e a súa capacidade de resolver os partidos. Porque ante un Osasuna que máis aló do empuxe inicial, limitouse a esperar un contragolpe, non foi capaz de gañar tres puntos que maquillasen minimamente o sucedido no últimos sete días.Como sucedeu ante o Almería, a estratexia volveu xogar un papel fundamental na reacción olívica, que se atopaba co empate nun córner sacado en curto por Orellana cara a Rafinha. No seu enviou á área atopou a cabeza de Augusto, que axudado por Lolo, introduciu o balón dentro da portaría cando a intención do arxentino era atopar a Borja Oubiña no segundo pau. O encontro equilibrábase e o Celta recuperaba a tranquilidade e o control do esférico ante un rival máis preocupado xa por defender.O Celta despediu o ano en Balaídos cun punto que sabe a pouco nun partido moi discreto do equipo de Luís Enrique, que facilmente puido saír goleado nunha primeira media hora de xogo infamante. O insulso punto cedido ante outro rival directo confirma que o equipo segue tendo importantes problemas en casa e complica bastante a vida aos célticos, que apenas se distancian un punto da zona de descenso nunha xornada propicia para gañar acougo na táboa. Un mísero colchón este atribulado punto para afrontar, á volta de xaneiro, os complicados enfrontamentos ante Real Madrid e Valencia que pechan a primeira volta.
R.C.Celta de Vigo: Yoel Rodríguez; Jonny, David Costas, Fontás, Aurtenetxe; Borja Oubiña, Krohn-Dehli (Alex López, min.70), Augusto Fernández (Bermejo, min.82); Rafinha, Orellana (Nolito, min.63) y Santi Mina.
Osasuna: Andrés Fernández; Marc Bertrán, Flaño, Loties, Damiá; Patxi Puñal, Lolo; Cejudo, Roberto Torres (Oier, min73), Armenteros (Onwu, min.78); Oriol Riera.
Goles: 0-1, m.16: Armenteros. 1-1, m.34: Augusto Fernández.