Celta-Almeria

Balaídos gesta os primeiros sorrisos da tempada

O Celta logra a primeira vitoria como local da tempada e brinda os tres puntos a un público que cre a cegas neste proxecto. Unha inchada que está demostrando a paciencia que quizá lle faltou noutras ocasións. Os goles de Oubiña, Charles e Orellana decidiron un partido vistoso no que o Celta foi claro dominador. O domino local foi tan indiscutible que co terceiro gol, a falta de media hora, pechouse o partido. Suso, cun disparo afastado nos primeiros compases, meteu un golazo e o medo no corpo aos galegos. Sorprendeu a Yoel e a Toni, que se retirou a falta dun cuarto de hora entre algún silbido dunha grada que non o acaba de ver como lateral. A realidade e o fútbol dos dous equipos acabaron reflectidas no marcador.O técnico celeste, Luís Enrique Martínez, estaba onte satisfeito. Polo resultado, por liberarse da presión de non gañar en casa, pola alegría da afección e porque os seus cambios no once atoparan o referendo do marcador. Da xornada, só lle molestou o murmullo de desaprobación da grada ao labor de Toni Rodrí dez minutos de partido, cando parte da afección gritou ao unísono o sentido 'Nunca máis' en protesta pola sentenza do xuízo do 'Prestige'. Moitos seguramente non o fixeron polo impacto que acababa de producirlles o tanto de Suso. Foi un golpe, en calquera caso, que o Celta soubo superar para regalar á súa afección un partido ao cabo plácido, tras cuxo pitido final os sorrisos ocuparon o lugar de rostros preocupados. Todo iso no día do regreso de Mario Bermejo, que non chegou a xogar pero si recibiu a súa ovación.