Aspas devolve a vida ao Celta
Iago Aspas lidera unha remontada para soñar
O Celta voltea un 0-2 ao Villarreal con dous goles de Iago e un de Maxi para achegarse á permanencia (3-2).
Tiña que ser el. Iago Aspas revitalizou ao Celta cun doblete nunha marabillosa remontada ante o Villarreal que coloca ao Celta con todas as opcións na loita pola permanencia. O moañés abriu o marcador para o Celta cun gol de falta, e culminouno transformando un penalti a cinco minutos para o final do choque.
O canterano foi titular nun equipo que contaba coa novidade de Lucas Olaza no lateral esquerdo, e Hoedt no eixe da zaga en lugar de Araujo. O resto do equipo era máis ou menos o esperado, con Okay e Lobotka no mediocentro, Brais e Boufal polas bandas, e a parella letal arriba.
No descanso o Villarreal mandaba en Balaídos por 0-2 e parecía máis preto o terceiro castellonense que o primeiro vigués. Pero a grandeza do fútbol, especialmente cando un equipo ten no seu persoal a un xogador xenial, fai que todo sexa posible. Por iso Iago meteu aos seus na contenda marcando de falta directa no inicio do segundo tempo. O tanto foi un punto de inflexión, o Celta creullo, Maxi marcou o segundo cun inapelable testarazo tras un centro preciso de Olaza e Aspas culminou a remontada desde o punto de penalti tras unha pena máxima sobre Brais Méndez cando faltaban cinco minutos.
Vitoria de ouro para un Celta que se sitúa a un punto do Villarreal, co goal-average gando. Hai vida grazas a Aspas.
Aspas celebra hoxe 300 partidos coa camiseta do Celta. O moañés, que debutó contra o Salamanca a domicilio da man de Alejandro Menéndez a finais da tempada 2007/2008, cumpre case once anos despois esta simbólica cifra que se fixo esperar pola lesión que lle ha ter parado durante as últimas semanas. Neste tempo, o moañés, gran emblema do club, defendeu a súa camiseta en Segunda, Primeira, Copa do Rei e Europa League, ademais de en a promoción de ascenso a Primeira. Todos estes compromisos, que inclúen semifinais de Copa e de Europa League, suman os 300 partidos que chegaron contra o Villarreal.
Celta: Rubén; Hugo Mallo, Costas, Hoedt, Olaza (Kevin, min. 87); Lobotka, Okay, Brais, Boufal (Sisto, min. 73); Aspas (Cabral, min. 89), Maxi Gómez
Villarreal: Asenjo; Quintillá (Raba, min. 87), Mario, Álvaro, Víctor Ruiz, Pedraza; Iborra, Morlanes (Bacca, min, 81), Cazorla, Chukwueze (Fornals, min.70); Ekambi
Goles: 0-1 Ekambi min. 10; 0-2 Pedraza min. 15; 1-2 Aspas min. 50; 2-2 Maxi Gómez min.70; 3-2 Aspas min. 85
Árbitro: Gil Manzano (comité extremeño). Amonestó con tarxeta amarela a Hugo Mallo por parte do Celta; a Pedraza, Mario e Víctor Ruiz por parte do Villarreal.
Galeria de Imaxenes
Comentar este post