O Celta vence ao Villarreal (2-3)
O Celta pasa do recital á angustia
O Celta reencontrouse co triunfo a domicilio en Villarreal dando un recital de xogo durante 70 minutos e sufrindo na recta final logo de meter aos castellonense no partido cun fallo de Rubén nunha cesión.
O Celta protagonista, ousado, da presión alta, cos laterales moi longos, alternando xogo curto e longo e co balón pegado ao pé volveu en Villarreal. O primeiro tempo dos celestes no Madrigal foi o mellor resumo do ADN que tanto se botaba en falta.
Un Celta moi superior ao Villarreal sufriu ata o último minuto por un erro infantil de Rubén que meteu ao equipo amarelo no partido cando estaba completamente morto.
O equipo de Cardoso púxose cun favorable 0-3, pero a 10 minutos do final Rubén recolleu un balón coa man tras unha cesión de Hugo Mallo e deu vida a un Villarreal que fixo sufrir ao Celta ata o minuto 98 do partido.
Moi boa imaxe do Celta durante 70 minutos, nos que foi moi superior ao equipo local. Cardoso repetiu o once que gañou fai sete días ao Huesca, dando confianza aos mesmos homes, o que se viu recompensando desde un principio, xa que a posta en escena dos vigueses foi inmejorable.
Os últimos minutos foron de moito sufrimento, pero o Celta soubo resistir, tirando tamén de certas tretas para perder tempo, ás que tampouco estamos afeitos os afeccionados celestes. No 98 Gil Manzano sinalaba o final do encontro que permitía ao Celta encadenar dous triunfos consecutivos e coller aire respecto de os postos de abaixo, á vez que se achega un poquito máis a Europa.
Villarreal: Asenjo, Mario Gaspar, Álvaro, Víctor Ruiz, Pedraza (Funes Mori, m.92), Cáseres, Trigueros (Ekambi, m.46), Fornals, Cazorla, Chukweze (Bacca, m.54) y Gerard Moreno.
Celta de Vigo: Rubén, Hugo Mallo, David Costas, Araujo, Juncá, Brais Méndez (Fran Beltrán, m.76), Okay, Jozabed (Cabral, m.81), Boufal (Hjulsager, m.65), Iago Aspas y Maxi Gómez.
Goles: 0-1, m.45: Brais Méndez enganchou un gran disparo tras unha preciosa xogada de Boufal e asistencia de Aspas. 0-2, m.48:Okay cabeceou ao fondo das mallas unha falta botada por Brais Méndez.0-3, m.50: Maxi Gómez tras asistencia de Brais Méndez . 1-3, m.83: Bacca. 2-3, m.87: Bacca.
Árbitro: Gil Manzano (Comité extremeño). Mostrou amarela aos locais Santi Cáseres, Álvaro González e Mario Gaspar e ao visitante Okay, Maxi Gómez e Rubén Branco.
Galeria de Imaxenes
Comentar este post