O Celta sen opcións na Europa League

O Celta puxo fin onte ao seu soño europeo tras empatar en Mestalla a un gol.O Valencia saíu con ganas disposto a certificar a súa presenza na próxima edición da Champions League, pero atopouse cun Celta moi efectivo, xa que aos sete minutos Pablo Hernández cabeceaba ao fondo das mallas un córner botado por Nolito.
Coa vantaxe no marcador, o Celta comezou a sentirse cómodo no terreo de xogo. O Valencia poñía empeño, pero non acababa de chegar ás inmediaciones de Sergio, e o conxunto vigués tiña capacidade para recuperar balón e manter a posesión, creando incluso algunha ocasión de gol. Aos dez minutos Alves empregouse ante Larrivey, e aos 20 minutos foi Fontàs á saída dun córner quen volveu crear perigo.
Na segunda metade o Valencia saíu disposto a deixar finiquitada a súa presenza na máxima competición continental e puxo en serios aprietos ao Celta. Nada máis comezar o segundo acto, gran parada de Sergio que toca o suficiente para enviar un remate de Otamendi ao larguero. Nos seguintes minutos, claro dominio valenciano, co Celta buscando a súa oportunidade á contra.Pero nunha acción a balón parado chegou o empate do Valencia tras un erro de Sergio Álvarez, que non chapa un lanzamento de falta de parello e Otamendi aproveita o rexeite para anotar o empate. O gol enalteceu á afección local, que empuxou ao seu equipo, que por entón tiña máis corazón que cabeza. De feito nos instantes finais, foi o Celta quen puxo picante ao partido con chegadas nas que puido haber decantado o partido ao seu favor. Barragán salvou ante Nolito con Alves vencido, e Orellana puxo en xaque á zaga rival xa en tempo de desconto.
O Celta non se clasificará para a Europa League, pero pechará o vindeiro sábado a Liga ante o Espanyol en Balaídos.A tempada é de notable.