Derrota coa cabeza alta

O Celta non puido atar os puntos, pero si se fixo acreedor do recoñecemento a sua valentía, á súa proposta futbolística e á súa capacidade para tratar de ti a ti ao líder da Liga. Aos celestes só faltoulles o gol. Ese que o Barcelona, co seu tridente ofensivo de relumbrón e millóns, atopou con todo na cabeza dun central Mathieu na única pega defensiva dos vigueses en 93 minutos.
O Celta caeu derrotado ante o FC Barcelona logo de realizar un gran partido, especialmente na primeira metade, onde non só tuteó ao Barcelona, senón que lle arrebatou o balón, foi mellor e mereceu gañar. Bikandi Garrido comeuse un penalty escandaloso e moi difícil de non ver, de Bravo a Nolito. Na segunda metade, a entrada de Xavi e o cansazo do Celta cambiou o partido, aínda que os cataláns tiveron que marcar a balón parado. Unha parte para cada equipo e vitoria para o Barcelona.Aos dez minutos, gran ocasión de Larrivey, que recibe un gran pase de Nolito e o seu disparo cruzado o repele Bravo nunha gran parada. Dous minutos despois foi Sergio quen se luciría a un bo disparo de Messi.O partido era unha batalla na medular preciosa, cun despregue físico imponente do Celta. Ao Barcelona non lle duraba a posesión, obrigado a enviar balonazos, non conectaba cos homes de arriba. Hugo Mallo desquiciaba a Neymar, e a Messi atábao en curto Jonny. A canteira céltica gañaba a batalla á galaxia.Á media hora penalty sobre Nolito. O andaluz toca antes o balón e Bravo, como un tren de mercancias, derrótao. Bikandi Garrido agachouse, calculou as consecuencias, e decidiu deixar seguir o xogo. Resulta difícil non velo, especialmente tendo en conta o sensible que se mostrou noutras accións.Aos 39 da primeira metade, se anuló un gol ao Celta por fóra de xogo de Orellana. A acción é moi xusta, e dous minutos despois, ocasión inmejorable para Larrivey tras unha gran acción combinativa do Celta. Nolito abriu para Orellana, e leste de primeiras deu o gol ao arxentino que marró no disparo. Esta acción formou parte dos mellores minutos do Celta ao bordo do descanso, cando tivo á súa mercé a todo un Barcelona.
Aos dez minutos da reanudación, cambio clave no partido. Luís Enrique retirou a Rafinha, que se foi ovacionado, e deu entrada a Xavi Hernández. O partido cambiou radicalmente. O Barcelona ampliou as súas posesións, e con iso, as súas chegadas a gol. Berizzo tamén retirou a Krohn-Dehli para dar entrada a Radoja, e acentuouse o dominio azulgrana.O Celta chegaba, aínda que cada vez con menos homes. E o Barcelona marcaría o tanto do partido aos 73 minutos. Mathieu cabecea unha falta á escuadra. Fontàs, moi brando, non puido impedir que o francés rematase fusilando a Sergio. Uns minutos antes entrara Charles ao campo, e o brasileiro tivo unha gran ocasión, pero Piquei estivo rapidísimo para evitar o remate do ariete céltico.Nos últimos minutos sorprendeu ver ao Barça perdendo tempo. Busquets desquició a Orellana no saque dunha falta, e cometeu un erro absurdo ao tirarlle un anaco de céspede. Non lle fixo nada, malia os visibles xestos de dor do catalán, pero está ben expulsado. Veremos a ver porque é probable que a sanción non se quede nun partido. Así se chegou ao final do partido, cun Celta en inferioridad numérica axexando a meta de Bravo, con algunha chegada que puido supoñer perigo, pero que finalmente non alterou o marcador.
Derrota previsible, aínda que inxusta vendo os merecimientos dun e outro equipo. Unha pena, pero a vida segue para un Celta que segue tendo a salvación a tiro de pedra e que esta semana visita ao Granada, que actualmente ocupa postos de descenso.
Celta: Sergio, Hugo Mallo, Cabral, Fontás, Jonny, Augusto, Krohn-Dehli (Radoja, min.67), Pablo Hernández (Santi Mina, min.83), Orellana, Nolito y Larrivey (Charles, min.69)
Barcelona: Bravo, Dani Alves, Piqué Matheu, Adriano, Busquets, Iniesta (Pedro, min.73), Rafinha (Xavi, min.57), Neymar, Messi y Luis Suárez (Rakitic, min.86)
Árbitro: Vicandi Garrido, del comité vasco. Expulsó a Orellana con roja directa (min.87) y amonestó a Kronh-Dehli, Luis Suárez y Busquets

---

Resumen de Celta de Vigo (0-1) FC Barcelona.mp4

Dropbox is a free service that lets you bring your photos, docs, and videos anywhere and share them easily. Never email yourself a file again!

https://www.dropbox.com/s/nw9b4dbnpmpbv50/Resumen%20de%20Celta%20de%20Vigo%20%280-1%29%20FC%20Barcelona.mp4

Video Celta Barça